Powered By Blogger

الثلاثاء، 29 ديسمبر 2009

كوني أنتي


السلام عليكم ورحمة الله وركاته

بداية بعتذر جدا جدا جدا لتأخير معاد البوست بتاعي بسبب النت " ربنا يصلح حاله يارب ... قولوا آمين :) "

ندخل في الموضوع بقى ... كنا بدأنا سوى سلسلة " حبيبتي الجميلة مسلمة "
واتكلمنا عن بعض الصفات الجميلة في البنت وهتلاقوه في حبيبتي الجميلة مسلمة
واتكلمنا كمان عن بعض المواقف اللى بتتعرض لها البنت وعلقنا عليها سوا وده كان في ياترى الميزان إيه ؟
:
المرة دي بقى عاوزين نناقش حاجة مهمة قوي
بداية أكيد كل واحدة نفسها تكون أحسن واحدة في الدنيا ومفيش زيها
لكن للأسف بقى ايه اللى بيحصل ؟؟
في اللي بيغلط ويحاول يقلد ويقسموا شخصيتهم اتنين ويمكن أكتر
وده للأسف يظهر في مواقف كتير تكون مقتنعة بحاجة من جواها ... وبتعمل حاجة تانية
لازم كل واحدة تحاول تبقى نفسها مش حد تاني ... كوني أنتي لاغيرك
:
كل إنسان جواه حاجات كتير حلوة لو قدر يعرفها ويهتم بيها ويطورها هيكون متميز ومختلف عن كل اللي حواليه
بلاش تكونى نسخة مكررة من المئات اللى موجودين
والأغرب من كده " ويغيظ كمان " إن فى بنات بتقلد غيرها فى حاجات مش صح ومش حلوة
ومن غير ماتسأل ولاتعرف ده صح ولاغلط

حاااااااااااولي تكوني نفسك ... شخصيتك ،، وعقلك ،، وفكرك ... كوني مختلفة في كل شئ وعيشي حياتك صح
عاوزين نكون " بنت مؤدبة ،، وأخلاقك كويسة ،،، وده طبببببعا مايتعارضش أبدا مع كونك طموحة وبتحلمي بحاجات كتير "
بلاش نتعدى العادات والتقاليد والصح والحلال .... بمبرر إنهم عائق في سبيل أحلامك وطموحك
ومين قااااااااااااااااال كده بس ؟؟؟
الأدب والأخلاق عمرهم ماكانوا عائق فى ان حد يعيش حياته ويستمتع بيها
بالعكس كل ماتتمسكي بالصح وبمبادئك كل ماتبقي كبيرة فى نظر الناس ونظر نفسك أولا
وقبل كل شئ في نظر " المولى سبحانه وتعالى "

لا العادات ولا التقاليد ولا الصح والحلال كانوا حاجز بين الانسان وطموحه " الا لو كانت افكار ومبادئ فى الاصل سلبية "
لو بصينا حوالينا هنلاقي أمثلة كتير لبنات كتييييير متمسكين بكل حاجة صح وبمبادئ اسلامهم
وعايشة حياتها صح جدا وناجحين فيها
كوني أنتي بشخصيتك ،،، وأحلامك ،،، وحياتك اللي نفسك فيها وعيشيها صح بمبادئ صح
نفسي نفكر ونشوف الحال حواينا
كله بقى شايف ان كل حاجة حلوة وجميلة وشيك بس لما نخالف مبادئنا وعاداتنا
يعنى بقى فى نوع من
" الحرام المبهر "

كل حاجة ممكن تبهر وتشد بيكون فيها شئ جوانا بيعترض عليها واحنا بنعاند فيه وفينا عشان نقوله لا حلو وصح
طب ليه مش بنفكر اننا نكون سبب ان يكون في نوع من
" الحلال المبهر "
نعيش حياتنا ،، نستمتع بيها ،، نخرج ونتفسح ،، نضحك ونهزر ،، ننجح ونحلم ،، و ووووو
ومع كل ده نكون صح متمسكين بمبادئنا وأخلاقنا وقيمنا الجميلة
نعرف لننا س ديننا من خلال تعاملاتنا ونجاحاتنا وأسلوب حياتنا
وبدل مايكون في " حرام مبهر "
يكون في كل شئ " حلال مبهر "
يلا نفكر بجد فى المعنيين دول وقولولي رأيكم ايه ؟؟
وايه اللى جه في بالكم ونويتوا تعملوه عشان نحقق فعلا الحلال المبهر ؟؟
يلا نجدد نيتنا سوا
بأننا لازم فعلا نتغير ... اللى شايف انه ممكن يقدر يحقق الفكرة دى يقولنا
ممكن فى شغلك ،، في دراستك ،، في بيتك ،، مع أصحابك ،،
فى كل مكان
ونعلنها فعلا ونقوووووووووووول من النهاردة أنا
:)


19 التعليقات:

العلم نور يقول...

آمين.

جميل ان تكون المرأة أنثى بمعنى الكلمة.

بارك الله فيك ونفع الله بك الأمة الإسلامية العربية.

saheda.com يقول...

د/ حمدي حسن

بمناسبة إنشاء جدار مبارك الفولازي مع حدود غزة
يا حكومتنا : أَلَيْسَ مِنكُمْ رَجُلٌ رَّشِيدٌ ؟
ليت حكومتنا تفهم أن معبر رفح بالنسبة للفلسطينيين مثل نهر النيل بالنسبة للمصريين

• أين الأمن القومي والسيادة المصرية من السماح بدخول الصهاينة سيناء بدون تأشيرة ؟
• أين الأمن القومي والكرامة المصرية من اختطاف سفينة كسر الحصار من مياهنا الأقليمية ؟
• نشكر الحكومة أنها لم تقتل النشطاء الأوربيين المتظاهرين كما قتلت السودانيين بميدان مصطفي محمود!
• أنبوب مياه البحر جريمة ضد الإنسانية لأنه سيفسد آبار المياه العذبة القليلة , فمن سيتحمل عواقبها ؟
• ماذا سنفعل وكيف سنتصرف اذا استخدمت اثيوبيا ودول منبع نهر النيل منطق حكومتنا الأعوج في مفهوم السيادة والأمن القومي وبنو سدودا وحواجز تحجز مياه النيل عنا ؟
• يا حكومتنا : السلطة والقوة ليست دائمة والتاريخ لن يرحم أحدا وسيظل جدار مبارك الفولازي شاهد علي هذه الفترة المخزية من تاريخ مصر

saheda.com يقول...

السلام عليكم
جزاكم الله خيرا
ونفع الله بكى الاسلام والمسلمين
موضوع رائع

المجاهد الصغير يقول...

السلام عليكم

انا ثابته على قيمى

جزاكم الله خيرا
موضوع جميل حبيبتى
جعله الله فى ميزان حسناتك

سبحان الله مش لازم اكون متدينه وملتزمه وهدومى وحشه ومش بخرج ومكشره دى صوره خطاء المسلمه الملتزمه فعلا ذى ما قلتى بتضحك وتخرج ومشرقه للحياه فى اطار دينها واخلاقها

دمتى فى رعايه الله

آخر العنقود يقول...

الشجرة الأم

صدقتى أختي
ولي في هذا المعنى فكرة أخرى إن شاء الله
جزاكم الله كل الخير لحسن المتابعة والدعاء
أمين يارب

دمت بطاعة وود

آخر العنقود يقول...

شهيدة

جزانا وإياكي حبيبتى
ولك بمثل دعائك وزيادة ان شاء الله

آخر العنقود يقول...

المجاهد الصغير

منورة المدونة بوجودك الجميل يا أم أنس
فعلا كل دى مفاهيم غلط بقت موجودة ومنتشرة
لكن الحمدلله الخير مازال غالبا وسيزال بمشيئة الله

دمتى بطاعة وثبات :)
وجزاكى الله خيرا للمناقشة

وأتمنى من الجميع هذا التفاعل المثمر

طالبه الفردوس يقول...

ثابته على قيمى

السلام عليكم

جزاكى ربى الفردوس الاعلى على الموضوع الروعه
بجد موضوع غايه فى الاهميه فى الايام دى اللى بنلاقى فيها تقليد اعمى للغرب فى ظنهم ان ده هيخليهم افضل وبرستيج

ربنا ينفع بيكى الاسلام والمسلمين

لو عرفوه هيحبوه يقول...

السلام عليكم

جزاكم الله كل خير على هذا الجهد الملحوظ لاصلاح امتنا وشبابنا

قال نبينا نصرنى الشباب وخذلنى الشيوخ

انصروا الله ينصركم

نتمنى زيارتكم للتعرف على امنا سوده الزوجه الثانيه للرسول صلى الله عليه وسلم

لو عرفوه هيحبوه

كلمة حق يقول...

السلام عليكم ورحمة الله وبركاته

انتى شكلك كده فعلاً ناوية على أحسن سلسلة زى ما قال أبو فاطمة فى تعليقه على اول رسالة لكى .

بجد موضوع رائع

فعلا أكبر مشكلة تواجه البنات هى حب التقليد دى عايزة تبقى ممثلة والتانية مغنية والتالتة عارضة أزياء زى فلانة وفلانة.....

ولكن ليس كل التقليد مزموم فلماذا لا تتمنى كل فتاة ان تكون مثل فاطمة رضى الله عنها أو تكون أم عمارة او تكون أم نضال
هذه النماذج اولى بالتقليد واتخاذهم قدوة

تحياتى
ومعذرة على التأخير
جالى اليومين دول شغل مفاجىء على أحد المواقع أخرنى شوية

أبو مريم

with you يقول...

السلام عليكم ورحمة الله وبركاته

أختنا أخر العنقود

أولا أعتذر عن عدم تعليقي علي رسالتك السابقة ولكن والله الحمد لله تابعتها وقرأتها ولقد إستفدت منها.

ثانيا تحياتي لحضرتك علي كل ما تقدمية من جديد لهذه السلسة التس أثق في أنها ستكون أفضل السلاسل التي تعرض علي المدونات وعالم النت وحتي الفضائيات وهذا ليس مجاملة ولكن هذا هو رأيي والكثير يعلم هذا...

ثالثا نأتي لرسالة هذا الإسبوع:

1- أعتب عليكِ أن إسمها كوني أنتي وليس ( الحلال المبهر ).
وأتفق معك علي إسم الرسالة كوني أنتي ولعلك تحتاري في هذا التعليق ولكن إليكِ أسبابي:-
أنا أتفق معك لأن السلسلة موجهة وهذا الإسم يناسب السلسلة.
وأعتب عليكِ لأن الله وفقك في كلمة الحلال المبهر ولم تجعليها عنوان الرسالة.

فأنتِ حيرتيني ولذلك سوف أحيرك

:)

2- نعم إن أساس أي مشكلة من المشاكل هو إرتداء الشخص ثوب ليس بثوبه وطبيعة ليست بطبيعته.

ومن البداية هو التغيير في فطرة الشخص لنفسه يغيير من فطرته.

مروراً بنفسه كشخصية

والخطأ كل الخطأ في الأنثي ذاتها أنها (تكون غيرها).

ولذلك كوني أنتي هي دعوة للعودة لإرتداء النفس مرة أخري.

علي فكرة من أجل نعم الله علينا أننا نفسنا ولسنا غيرنا.

ولذلك كوني أنتي هي دعوة للأصالة والتدين الفطري.

والله أنتي وضعتي يدك علي الجرح الرئيسي ألا وهو أننا قد نفعل الأشياء ونحن ننتقدها ونرفضها ولكن نرتدي ثوب ""الإمعة"" لكي نكون أشخاص بارزين.

فهذه التي تضع الأحمر والأخضر هي أرادت أن تكون شخصية غير التي بداخلها علي العكس أن التكلف يسقط الشخص من أنظار الأخرين...
فأثناء سيرها تفتن هذا وذاك في ذات الوقت يلعنها هذا وذاك .... وليس هذا فقط

بل ويسخر منها هذا وذاك , ويستغلها هذا وذاك , وهي في نفس الوقت عند هذا لعبة وعند هذا معطوفاً عليها.

كوني أنت لتكوني أنت عند الناس.

فوالله أنت علي عيبك الطبيعي أفضل من ميزتك المصتنعة.

أختنا في الله

كوني طبيبة نفسك وإعلمي أن الرزق بيد الله فإن حصلتي علي رزقك وأردتي الزيادة فالطمع يسقط من اليد ما بها ليمسك بالسراب أو (بديوث) عليكِ أن تعرفي معني كلامي ومغزاه يا أختنا المسلمة.

إياكِ أن تستبطئ قدر الله فتكوني غيرك أنت فالحرام المبهر ساعات قليلة يكون من بعدها الندم الدنيوي و الحسرة الأخروية.

وياله من ندم

1+1=2

زوجة صالحة+زوج صالح=حياة صالحة (لا أدعي سعادتها ولكن أؤكد علي صلاحيتها)
+الجنة بإذن الله

زوجة صالحة+زوج طالح= الحياة الكادة الصالحة + الجنة بإذن الله

ولكن شتان هذا وبين التالي

زوجة طالحة+زوج طالح=حياة طالحة وغير مطمئنة + نار والعياذ بالله

زوجة طالحة+زوج صالح=حياة سعيدة(مع فقدان المذاق الحقيقي للسعادة) + نار نار لكون الزوج صالح والزوجة طالحة (المثال زوجة نوح وزوجة لوط ضربهم الله مثال للأبد)


أختنا نريدك أنت لا غيرك

تحياتي لأسلوبك الرائع ولكلماتك الرقراقة

عند قرأتي لأول رسالة لكِ في مدونتك أختنا توقعت منك هذا الإسلوب وأتمني أن تتذكر هذه الكلمات وأن تدعي لي عند نجاحك وعند ربك وأن تسألي لي الله الإخلاص والشهادة

اللهم إرزقنا الشهادة

محمد حياتنا

آخر العنقود يقول...

طالبة الفردوس

عندك حق فعلا اغلب اللى بيقلد بيقلد وهوه فاكر ان بكده موضة وبرستيج
رغم ان ف كتير ماحاولش يشوف الجمال وكل اللى هما عاوزينه من خلال الالتزام بردوا بمبادئهم

جزانا وإياكي غاليتي
ومنورانا دايما بمتابعتك وتعليقاتك
نفعنا الله وإياكي واعاننا على العمل بما نقول :)
دمتي على طاعة

آخر العنقود يقول...

لو عرفوه هيحبوه

جزاكم الله خيرا
واعاننا واياكم ووفقنا لما يحب ويرضى
ستتم المتابعة والقراءة ان شاء الله

دمتم بكل الخير

آخر العنقود يقول...

أبومريم

ربنا يكرمك يارب على جميل كلامك
والله لاناويها ولاحاجة انتوا بس اللى مكبرين الموضوع :)
انا كل اللى ناوياه وبتمناه ان ربنا ينفع بيها ويعينا على التطبيق مع التذكرة

وطبعا انا لا اقصد ان كل التقليد مذموم لكن ماقصدته فقط هو مايغلب الان لمعالجته ولفت النظر اليه
اما تقليد أمهاتنا من المؤمنات الصالحات .. فنعم التقليد والاقتداء

جزاكم الله خيرا
وكان الله فى عونكم للعمل الجديد :)

آخر العنقود يقول...

محمد حياتنا " ابوفاطمة"

الحمدلله ان حضرتك قرأتها ومتابع لها فقد كنت انتظر التفاعل منكم
جزيت عن هذا كل الخير
وربنا يكرمك يارب على هذا الاطراء والتحفيز الرائع فأنا صدق لا استحق كل هذا .. ربنا يتقبل وينفعنابه ويعيننا على العمل بما نقول وقت ما ينفع

---------------
اما لاسم الموضوع فعتابك مقبول اخى :)
لكن قد يكون محتوى الرسالة متضمن لهذا المعنى بشكل اكبر
وصدقا لم يخطر ببالي ان اغير للحلال المبهر ربما لانى تذكرته اثناء كتابتى قدرا
فقد كنت تحدثت عن نفس المعنى فى مدونتى الخاصة فى موضوع خاص بهذا المعنى

ارجو تقبل العذر عد هذه الححيرة المتبادلة :)

اما عن تعليق الموضوع فده بجد اضافة للموضوع رائعة
انا فعلا كده يعتبر مش كتبت حاجة فى البوست :)

ولذلك كوني أنتي هي دعوة للأصالة والتدين الفطري. .... صح جدا لكن إن أدركت هكذا
--------
كوني أنت لتكوني أنت عند الناس.

فوالله أنت علي عيبك الطبيعي أفضل من ميزتك المصتنعة.


صدقت اخى ولا احد يستطيع اخفاء الطبيعي الفطري من المصطنع مهما كانت جودته

عجبتنى قوى 1+1=2

بصدق تعليق يضاف فى المدونة بدلا من هذا البوست
جزاكم الله خيرا لهذا الحوار والتعليق المثمر
اتذكر هذا الموضوع الاول والتعليق ايضا.. اكرمك الله ووفقك لما يحب ويرضى
واعاننى على هذه المسئولية التى تلقيها على عاتقي بهذه الكلمات :)

دمت بكل الخير والطاعات

آخر العنقود يقول...

م/ الحسيني

كل عام وانت بكل الخير والطاعة
جزاكم الله خيرا للتذكرة والمتابعة

دمت بكل الخير

حياتى نغم يقول...

السلام عليكم ورحمة الله وبركاته

بارك الله فيكِ كلماتك طيبه كونى أنتِ .

جزاكِ الله خيراً .

OlivE يقول...

السلام عليكم ورحمه الله وبركاته

بجد جزاكى الله كل الخير على كلامك واهتمامك واسلوبك فى التعبير والنصيحه

ربنا يهدينا جميعا الى ما يحبه ويرتضيه لينا يارب


تحياتـــــــــى
:)

د/عرفه يقول...

موضوع متميز
وحيوى الصراحة


وعجبنى فعلا



واتمنى رؤية هذا
http://advsarab.blogspot.com/2010/01/blog-post_23.html


تحياتى
ويارب دايما فى تألق